سياسة الخصوصية

DOOX Group: متاجر Playdoox وHadeedoox وHomedoox على dooxstore.com. آخر تحديث: تشرين الثاني 2026.

شو المعلومات اللي بناخدها

لما تطلب، بناخد الاسم ورقم الهاتف والمنطقة والمدينة والعنوان وأي ملاحظات بتكتبها، والمنتجات اللي طلبتها. ما بنطلب أي معلومات دفع لأن الدفع عند الاستلام.

ليش بنستعملها

• لتجهيز طلبك وتوصيله والتواصل معك بخصوصه.
• لنبعتلك على واتساب تأكيد استلام الطلب وتحديثات عن حالته (مثل الشحن والتوصيل).
• لحماية المتجر من الطلبات الوهمية والمتكررة.

مع مين بنشاركها

بنعطي شركة التوصيل الاسم والهاتف والعنوان والمبلغ بس، عشان توصلك الطلب. الرسائل على واتساب بتنبعت من خلال منصة واتساب للأعمال من Meta. ما بنبيع معلوماتك لأي حدا.

الإعلانات والإحصائيات

ممكن نستعمل أدوات قياس من Meta (فيسبوك وإنستغرام) لنعرف أي إعلانات بتجيب طلبات. هالأدوات ما بتعطينا هويتك.

حسابك ونقاط DOOX

بعد أول طلب، بنحفظ على جهازك ملف تعريف (كوكي) آمن عشان نتذكرك: بتشوف طلباتك ونقاطك من نفس الجهاز بدون كلمة سر. ما حدا غيرك بيشوف طلباتك من جهاز تاني. بتقدر تمسحه بأي وقت من "حسابي" ← "انسى هاد الجهاز".

قديش بنحتفظ فيها

بنحتفظ بمعلومات الطلب طول ما بنحتاجها لخدمة الزبون والحسابات، وبنحذفها إذا طلبت.

حقوقك

بتقدر تطلب تشوف معلوماتك أو تعدّلها أو تحذفها، أو توقف رسائل واتساب، بإنك تراسلنا على واتساب 972569091595.